Mentan og list
Geir á Lofti vil raðfesta listafólk, tí ofta eru hesi lítið vird í dag, men serstakliga høg í metum, tá samtíðin er ein onnur. Mentanararvurin verður borin á teirra herðum, sum mynda hana á so ymsan hátt – eittnú sjónleikur, tónleikur málningar, yrkingar, fagrar- og yrkisbókmentir o.s.fr.
Størsta ynski hjá listafólkum er at fáa til vega hølir. Eitt nú kunnu kommunur og landið fíggja hølir við neyðugum umstøðum og útgerð. Síðani kann listafólkið gjalda sámiliga peningaupphædd fyri leigu av hølinum. Hetta má raðfestast, tí í Føroyum eiga vit hópin av dugnaligum listafólki, og slík raðfesting stimbrar listafólki og kveikir teirra hugflog. Poul F. Joensen, sum í dag er høgt virdur yrkjari, skrivaði í yrkingini, “Hørpuspælarin”, at hann “… trælur var 99 dagar, granskari, skald í ein… “. Poul F. sipaði sjálvandi til, at hann ongantíð fekk viðurkenning fyri ella stuðul til sítt virki, sum vit gleðast um í dag. Ímyndi tykkum, um hann kundi siglt sum fullriggað seglskip við øllum rigningi – hvør veit, um ikki enn størri mentanarskattur lá eftir hann.
Ferðslutrygd og seyður úr býnum
vetrarfriða bygdu økini – serstakliga økini við tungari ferðslu, tí seyðurin kann hótta ferðslutrygdina. Ferðsla og borgarin skal takast fram um seyðin í bygdum øki, og eisini fram við landsvegin. Ferðslutrygdin skal raðfestast við lóg, tí er tað sera óheppið, at vandi kann standast av, at seyður ferð sunnudagsgongutúr yvirum vegin í somu løtu, sum tú kemur koyrandi 80 km/t.
Kostnaðarlítil átøk fram á grønu leiðini, sum muna
Tá tosa verður um CO2-útlát, er eyðsæð, at vit eru á rættari kós, men grøna orkuumleggingin tekur tíð.
Trøð, sum muna. Harafturímóti er gróðurseting av trøum haldbar loysn, sum andøvar ímóti útláti. Eisini eru økir, har skriða og líknandi kann hótta ferðsluna, og trø/buskar festa jørðina, tí røturnar rigga sum eitt trygdarnet, sum heldur jørðini og grótinum. CO2-útlát súgva trøini í seg, goyma hetta køvievni og skapa hetta evnið um til ilt (O2).
Trøð skapa lívd (tekur laminaran vind), soleiðis, at vindurin slakar, tá hann strýkur millum trøini og avmáttast. Tá so trøðini eru hávaksin, kann seyður, og onnur djór, finna sær lívd millum trøini. Hagafuglalívið veksur eisini, har trøini eru, og økini verða vakrari.
Um tykkum hóva omanfyristandandi hjartamál
Seti so kross við Geir á Lofti til løgtingsvalið 2022