Sámal Petur í Grund er føddur í Syðrugøtu í 1958, útbúgvin elektronikmekanikari og skipari. Hann hevur drúgvar royndir á sjógnum, við fiskiskipi, í Strandferðsluni og útróðri.  Hann er skipari á Strandfaraskipinum Sam og hevur egnan útróðrarbát. Sámal Petur í Grund er eisini stjóri á reingerðarfyritøkuni Grundvask.

Sámal Petur er royndur í politikki, sum løgtingsmaður og landsstýrismaður í m.a. Mentamálum, samferðslumálum og almanna- og heilsumálum.

Hjartamál hansara eru viðurskifti føroyngsins í egnum landi og viðurskifti samfelagsins mótvegis útheiminum.