SUÐUROY OG FØROYAR MUGU HAVA EINA STERKA RØDD
Løgtingsvalið nærkast og nú er tíðin komin at standa saman.
Suðuroy hevur stórar møguleikar, men tað krevur fólk, sum vilja arbeiða fyri menning, arbeiðsplássum og framtíðini hjá okkara oyggj.
Vit í Suðuroy kenna væl týdningin av góðum møguleikum kring alt landið. Tá allir partar av Føroyum mennast, stendur landið sterkari sum heild. Samstundis er tað týdningarmikið, at eisini Suðuroy hevur eina sterka rødd, sum arbeiðir fyri menning, arbeiðsplássum og góðum framtíðarmøguleikum á oynni.
Tí fegnast vit í Suðuroyar Sjálvstýri um, at Pól Arni Holm stillar upp til løgtingsvalið fyri Sjálvstýri.
Pól Arni hevur í nógv ár arbeitt við ungdómi, mentan og útbúgving í Føroyum. Hann hevur eitt sterkt ynski um at menna landið og arbeiða fyri, at Suðuroy verður knýtt tættari at restini av Føroyum, so møguleikarnir fyri arbeiði, útbúgving og búseting verða betri.
Umframt hetta er Pól Arni eisini kendur sum sangari og mentanarmaður og hevur í nógv ár verið ein virkin partur av føroyska mentanarlívinum.
Skulu vit fáa ávirkan, krevur tað, at vit standa saman.
Tí heita vit á øll, sum vilja síggja eina sterka framtíð fyri Suðuroy og Føroyar:
👉 Set tín kross við Pól Arna Holm
👉 Set tín kross við Sjálvstýri – fyri einar sterkar Føroyar
Saman kunnu vit skapa eina sterkari framtíð fyri Suðuroy og Føroyar.
Vel Sjálvstýri.
Vit í nevndini í Suðuroyar Sjálvstýri ynskja øllum eitt gott val.